|
SubscriptionsSites I Read
|
|
|
|
| 琴日last day,
我揮一揮手,不帶走半點雲彩.
今日training 1st day,
緊張,
緊張,
緊張,
蠢鈍.蠢鈍蠢鈍蠢鈍蠢鈍蠢鈍蠢鈍...
夜晚同ex公司同事食糖水.
佢地個個都傻下傻下,好得意,好好人.
| | |
| 近排一直好想好想打邊爐,
難得今日我同我媽媽day off..
幾歹都要打喇!!!!
尋日原本都係想夜晚個餐先打,
但我阿哥ban左,
但我又真係好想好想,
所以咪退而求其次 ,
趁佢去左返工,我同我媽媽兩丁友打lunch囉.
一起身,擦完牙就打邊爐,感覺勁爽!!!
| | |
| 尋日放工去左百佳逛一逛,
見到d梳打餅好似幾平咁,
咁啱屋企又冇乜貨,
咁咪趁低吸納左少少囉.
其實我地一向都係食開嘉頓,
今次轉左呔去太平,
因為我覺得屋企的嘉頓梳打餅係我媽媽買錯左,
我地只係粗食住先,食完哂d嘉頓之後就會買返太平.
所以我今次真係諗都冇諗就買哂太平.
點知,開第一包紫菜味的時候,發現原來係...一條過的梳打餅. 我仲要買左兩包囉,頂..
個刻的心情即刻跌到落谷底,
因為我記得之前都食過,呢款梳打餅絕對唔係我杯茶!!!
因為我食梳打餅一定要將佢啪開一半先食,
而且呢款的口感有別於一般的梳打餅.連質感都同一般梳打餅唔一樣.
但係,頭先開芝麻同另一隻味的時候,
發現竟然係 可以分開兩截的梳打餅.超驚喜!!
第二個surprise係~
太平ge呢款梳打餅,口感好脆,脆過嘉頓.
我個人覺得,
1.口感：太平 〉嘉頓
(太平鬆軟d,嘉頓感覺太實)
2.飽肚：太平〈 嘉頓
(太平3塊入，嘉頓4塊入；太平質感上少過嘉頓,三兩啖就食哂.)
3.乾度：太平〈 嘉頓
(講到食邊隻係最乾,嘉頓一定win哂.食半塊都已經乾到要飲水.
所以食完一包4塊,其實已經會俾d水搞到你飽飽地,)
4.咸味：太平 〉嘉頓
(嘉頓淡好多,冇乜味,我好buy呢點!!太平味道重少少.咸少少,個feel好似冇咁健康)
我已經唔記得自己之前究竟係鐘意食嘉頓定太平,
好彩今次有買咁多隻唔同ge味,
如果唔係就會成世都被嘉頓隴斷我食梳打餅的市場~! | | |
| 放工列排行個條好多流浪漢ge路返屋企.
今日行行下,見到有一個坐住輪椅的阿叔徘徊係路中央.
我見佢不斷係路中間嗌街上的人「哥哥,可唔可以..」「姐姐,可唔可以..」
佢叫左幾次但都冇人理佢.
到我經過佢身邊,
我聽到佢叫「哥哥仔,可唔可以幫下手推我去前面呀??」
我個下都遲疑左幾秒,不過見天寒地凍佢一個阿伯坐輪椅又好慘咁,
又覺得推下輪椅姐,斷估唔會俾人捅一刀掛...
咁咪幫下手推囉~
咁一路推都有同佢吹左兩句水,
佢話「見你飛個短髮仲以為係男仔,唔好意思呀,聽你把聲原來係女仔,把聲好靚呀.」
咁我都好好奇咁凍佢一支公走落街做乜野,咁咪問下佢囉.
佢同我講....
-佢要買飯俾佢阿媽食,
-佢冇乜錢買飯,唔知咩野十蚊廿蚊.*(佢坐係度,我企係度,所以唔係好聽到佢講野.)
(就係呢下,令我sense到佢好似想問人拎錢....我機心好重嫁.)
-佢阿媽住係老人院.
-個老人院係馬路對面.(我同佢企的位置對面)
推到佢去老人院對面,佢就叫我唔洗推佢過馬路,
咁我就放低左佢,不過我轉身的時候聽到佢仲口up up...
不過,我冇再理佢lu~
我都幾陰謀論,
我覺得如果再繼續聽佢講野,可能佢真係會問我拎錢.
而且.我有諗...
佢叫左咁耐都冇人幫佢,會唔會因為佢係「熟客」,d老街坊都認得佢,所以冇人理佢呢?
我呢d係 假好心,真疑心.
| | |
| 原來,我沒有想像之中那麼看得開,
卑躬屈膝,不是第一次,
俯身跪地為他人著鞋,卻是第一次,
真的,那一刻,我感到委屈.
不是浮誇,
委屈的感覺真的是在那一刻湧上心頭,
在那一秒鐘有想哭的衝動.
當然,只有那一秒,我絕對沒有眼紅,沒有哭.
就當敬老吧....
想開脫自己不要在意,
可是,就是不能釋懷.
現在的位置,是我自己的選擇,it's my own choice,
我從來都覺得要對自己的選擇負責.
所以,
我不怨,
只是覺得有點兒委屈.
沒有試過做人肉鞋抽,
你是不會明白我的感受.
委屈的感覺─難受,
但我卻渴望留住這個感覺去push自己.
| | |
|
